Վիետնամում մեկնարկել է շախմատի աշխարհի պատանեկան առաջնությունը: Պատանի շախմատիստներն ու շախմատիստուհիներն առաջնության պարգեւները վիճարկում են տարիքային վեց խմբերում: Կխաղացվի 11 տուր: Հայաստանից առաջնությանը մասնակցում են 15 շախմատիստներ, որոնց թվում են վերջերս Եվրոպայից պատանեկան առաջնությունում մրցանակակիրներ դարձած Կարեն Գրիգորյանը (մինչեւ 14 տարեկաններ) եւ Սամվել Տեր-Սահակյանը, որը Վիետնամում հանդես է գալիս մինչեւ 18 տարեկանների մրցաշարում: Նրանք հաղթանակով մեկնարկեցին: Առաջին տուրում մեկական միավոր վաստակեցին նաեւ Մանուել Պետրոսյանը, Տիգրան Հարությունյանը, Հովհաննես Պետրոսյանը, Արմեն Նազարյանն ու Մարիա Գեւորգյանը: Աստղիկ Խալիկյանն ու Ռոբերտ Հովհաննիսյանը կեսական միավոր վաստակեցին:
ԱՇՈՏ ՀԱՅՐԱՊԵՏՅԱՆ