Նովոսիբիրսկում բնակվող Արսեն Թամրազյանը հաջող ելույթ ունեցավ Պենզայում անցկացված ծանրամարտի առանձին վարժությունների Ռուսաստանի առաջնության եւ գավաթի մրցաշարում: Մինչեւ 56 կգ քաշային կարգում Թամրազյանը հրում վարժության 139 կգ արդյունքով հռչակվեց ՌԴ չեմպիոն: Երկամարտում նա ցույց տվեց 247 կգ արդյունք, որը եւս լավագույն ցուցանիշն էր եւ հնարավորություն տվեց հայ ծանրորդին դառնալու նաեւ ՌԴ գավաթակիր: Իսկ պոկում վարժությունում Թամրազյանի արդյունքը (108 կգ) երկրորդն էր ու 2 կգ-ով զիջում էր չեմպիոն հռչակված Միխայիլ Շեւչենկոյի ցուցանիշին:
ԱՇՈՏ ՀԱՅՐԱՊԵՏՅԱՆ