ՖԻՖԱ-ն հրապարակել է ազգային հավաքականների դասակարգման հերթական ցուցակը: Քանի որ դեկտեմբերին ազգային հավաքականների մակարդակով հանդիպումները շատ քիչ են անցկացվել, ուստի ցուցակում փոփոխություններն աննշան են: Հայաստանի ազգային հավաքականը մեկ հորիզոնականով բարձրացել է եւ զբաղեցնում է 112-րդ տեղը: Անփոփոխ է մնացել լավագույն տասնյակը: Ամենամեծ առաջընթացն ունեցել են Սոմալիի (22 տեղով), Վիետնամի (17-ով) եւ Գամբիայի (13-ով) հավաքականները: Իսկ ահա Քենիայի ընտրանին 16 հորիզոնականով նահանջել է:
Ընտրական մրցաշարում ՀՀ հավաքականի մրցակիցներից ամենաբարձր անհատական վարկանիշն ունի Եվրոպայի չեմպիոն Իսպանիայի ընտրանին, որը նախկինի պես գլխավորում է ցուցակը: 10-րդ հորիզոնականում իրենց դիրքը պահպանել են թուրքերը: Բելգիայի (54-րդ տեղ) եւ Բոսնիայի (61-րդ տեղ) հավաքականներն էլ պահպանել են իրենց տեղը ցուցակում: Իսկ ահա Էստոնիայի հավաքականը մեկ հորիզոնականով բարձրացել է:
Լավագույն տասնյակի եւ նախկին ԽՍՀՄ հանրապետությունների հավաքականների ցուցանիշներն այսպիսին են:
| 1. Իսպանիա | 1663 |
| 2. Գերմանիա | 1389 |
| 3. Հոլանդիա | 1338 |
| 4. Իտալիա | 1326 |
| 5. Բրազիլիա | 1246 |
| 6. Արգենտինա | 1180 |
| 7. Խորվաթիա | 1142 |
| 8. Անգլիա | 1115 |
| 9. Ռուսաստան | 1103 |
| 10. Թուրքիա | 1016 |
| 16. Ուկրաինա | 909 |
| 50. Լիտվա | 583 |
| 69. Ուզբեկստան | 485 |
| 70. Լատվիա | 484 |
| 81. Բելառուս | 420 |
| 97. Մոլդովա | 373 |
| 108. Վրաստան | 328 |
| 112. Հայաստան | 313 |
| 118. Էստոնիա | 260 |
| 133. Ղազախստան | 210 |
| 134. Ադրբեջան | 209 |
| 146. Տաջիկստան | 162 |
| 149. Թուրքմենստան | 149 |
| 159. Ղրղըզստան | 112 |
ԱՇՈՏ ՀԱՅՐԱՊԵՏՅԱՆ