Հռչակավոր շվեդուհի Աստրիդ Լինդգրենի անվան մանկական գրքի մրցանակի են առաջադրվել Սերգեյ Միխալկովը, նկարչուհի Եկատերինա Սիլինան, մանկագիր Անդրեյ Ուսաչովը: Նույն մրցանակին են առաջադրվել նաեւ էստոնացի մանկագիր Հելեն Նիյտն ու լիտվացի Ալգիմանտաս Զուրբան: Նրանց գործերին հայ ընթերցողը ծանոթ է ռուսերեն թարգմանություններով:
Իսկ նշյալՙ մանուկների համար ստեղծագործող արձակագիրների, նկարիչների ու պոետների համար սահմանված մրցանակի դրամական մասը կազմում է 5 միլիոն կրոնՙ 600 հազար դոլար: Այս տարվա մրցանակակրի անունը հայտնի կդառնա մարտի 24-ին, իսկ նախորդ տարի մրցանակը շնորհվել է ավստրիացի մանկագիր Սոնյա Հարտնետին:
Ն. Պ.