Քութայիսում անցկացված Վրաստանի բռնցքամարտի բաց առաջնությունում հաջող են հանդես եկել Հայաստանի պատանեկան հավաքականի անդամները, թեեւ նրանցից ոչ բոլոր ուժեղագույններն էին ռինգ դուրս եկել:
Կրտսեր տարիքային խմբում բոլորից հաջող է հանդես եկել Տարոն Սողոմոնյանըՙ նվաճելով Վրաստանի չեմպիոնի տիտղոսը: Գարիկ Սաֆարյանը (48 կգ) եւ Աշոտ Սաֆարյանը (40 կգ) դարձել են բրոնզե մեդալակիրներ: Ավագ տարիքային խմբում ռինգ դուրս եկած 9 բռնցքամարտիկներից 5-ը տուն են վերադարձել մեդալներով: Նրանցից լավագույն արդյունքի է հասել Կոլյա Գրիգորյանը (48 կգ)ՙ դառնալով մրցաշարի հաղթող: Եվս երկու հայ բռնցքամարտիկներՙ Արթուր Կիրակոսյանը (46 կգ) եւ Անդրանիկ Հլոյանը (54 կգ) հասել են մինչեւ եզրափակիչ, որտեղ զիջելով մրցակիցներին, բավարարվել են արծաթե մեդալներով: Բրոնզե մրցանակակիր են դարձել Տիգրան Գեւորգյանը (57 կգ) եւ Արմեն Ահարոնյանը (66 կգ):
ԱՇՈՏ ՀԱՅՐԱՊԵՏՅԱՆ