ՀՀ չեմպիոն «Փյունիկն» ավարտելով ուսումնամարզական հավաքը Սոչիում, վերադարձել է Հայաստան: Նախատեսվում է ուսումնամարզական երկրորդ հավաքն անցկացնել Արաբական Միացյալ Էմիրություններում: Ինչպես տեղեկացանք ակումբի նախագահ Կարեն Հարությունյանից , Սոչիում փորձարկվող լեգեոնականներից ոչ մեկի հետ առայժմ պայմանագիր կնքված չէ, թեեւ ոմանք լավ տպավորություն են թողել: Բացի աֆրիկացի ֆուտբոլիստներից, «Փյունիկում» փորձաշրջան անցան նաեւ Ռուսաստանում հանդես եկող հայ պատանիներ, որոնցից Դավիթ Սարգսյանին եւ Սեւակ Աղրամանյանին ակումբը որոշել է ընդգրկել «Փյունիկ-2»-ի կազմում: Հաճելի տպավորություն է թողել նաեւ Մոսկվայի «Սպարտակի» երկրորդ կազմում հանդես եկած Արտակ Ալեքսանյանը:
ԱՇՈՏ ՀԱՅՐԱՊԵՏՅԱՆ