Վուստերում ծնված (Մասաչուսեթս, ԱՄՆ) դոկտ Ռոբերտ Աբգարյանի անունով էլեկտրոնային միկրոսկոպիայի ինտեգրալային բաժանմունք է ստեղծվել Ատլանտայի Էմորի համալսարանում, տեղեկացնում է «Արմինյն միրոր սփեքթեյթր» շաբաթաթերթը:
Դոկտ. Ռոբերտ Ֆիլիպ Աբգարյանը 1985-ից մինչեւ 52 տարեկանում արկածի հետեւանքով իր վաղաժամ մահըՙ 2006-ին, եղել է հիմնադիր-տնօրենն այդ համալսարանի միջճյուղային գիտական կենտրոնի եւ միջազգային ճանաչում ձեռք բերել որպես քրոմի օգտագործման նոր մեթոդներ հայտնագործող եւ զարգացնող: Ավարտել է Վուստերի պոլիտեխնիկական ինստիտուտը եւ Կլարք համալսարանը, որտեղ էլ պաշտպանել է իր դոկտորական թեզը: Հեղինակ է ավելի քան 100 գիտական հոդվածների, որոնք տպագրվել են միջազգային պարբերականներում, որոնց խմբագրական կազմի անդամներից է եղել: Որպես տեխնիկ աշխատել է Նոբելյան մրցանակի արժանացած Ջորջ Պալադեի հետ Եյլ համալսարանում, իսկ որպես կառավարիչ-տնօրենՙ էլեկտրոնային միկրոսկոպիայի բաժնիՙ Լուիզվիլ համալսարանում: Հետագայում զբաղեցրել է նաեւ Ամերիկյան միկրոսկոպիայի ընկերության միջազգային կոմիտեի նախագահի պաշտոնը:
Հ. Ծ.