Տափօղակով հոկեյի Հայաստանի մինչեւ 18 տարեկանների հավաքականը Բակուրիանիում ուսումնամարզական հավաք անցկացրեց, որի ընթացքում ուժերը փորձարկեց Վրաստանի հոկեյիստների հետ: Առաջին խաղում մեր հոկեյիստները 1-0 հաշվով հաղթեցին Վրաստանի ազգային հավաքականին, որից հետո 0-3 հաշվով պարտվեցին «Բակուրիանի» թիմին: Թբիլիսիի ակումբային հավաքականի հետ խաղում մեր թիմի դարպասը 4 անպատասխան տափօղակ հայտնվեց: Իսկ ահա «Թբիլիսի» թիմին մեր հոկեյիստները հաղթեցին 3-2 հաշվով:
Ինչպես հայտնի է, անցյալ տարի հոկեյի միջազգային ֆեդերացիան մեկ տարով որակազրկել էր մեր հավաքականներին, ուստի նրանք այս տարի իրավունք չունեն մասնակցելու ընտրական մրցախաղերին: Այդ պատճառով էլ պատանեկան հավաքականը մեկնել էր Վրաստան: Այս անգամ հավաքականում ընդգրկված էին միայն հայ հոկեյիստները, որոնց մարզիչները փորձարկելու հնարավորություն ստացան:
ԱՇՈՏ ՀԱՅՐԱՊԵՏՅԱՆ