Թեհրանում անցկացված «Արեւածագի 10 օր» անվանումը կրող միջազգային ավանդական մրցաշարում Հայաստանի թեթեւատլետները երեք մեդալ նվաճեցին: Լավագույն արդյունքի հասավ Հայկանուշ Բեգլարյանը, որը դարձավ հեռացատկի մրցումների հաղթող: Հատկանշական է, որ նա իր անձնական ռեկորդից ցածր արդյունք ցույց տվեց, սակայն դա էլ բավարար էր հաղթող ճանաչվելու համար: 1500 մ վազքում բրոնզե մրցանակակիր դարձավ Սեւակ Եղիկյանը: 800 մ վազքում էլ նույնպիսի նվաճման հասավ Արամ Դավթյանը:
ԱՇՈՏ ՀԱՅՐԱՊԵՏՅԱՆ