Ուռեկիում ուսումնամարզական հավաք անցկացնող «Ուլիսը» շարունակում է ստուգողական հանդիպումների շարքը: Թիմը հաջող խաղաց նաեւ Փոթիի «Կոլխեթիի» հետՙ մրցակցի դարպասն անցկացնելով 4 անպատասխան գնդակ: Արդյունավետ խաղով աչքի ընկավ «Բանանցից» «Ուլիս» տեղափոխված Սեմյոն Մուրադյանըՙ դառնալով հեթ տրիկի հեղինակ: Մեկ գնդակ էլ խփեց Արթուր Քոչարյանը: Իսկ ահա Բաթումի «Դինամոյի» հետ խաղում «Ուլիսը» պարտվեց 1-2 հաշվով: «Ուլիսից» միակ գոլը խփեց Սեմյոն Մուրադյանը:
ԱՇՈՏ ՀԱՅՐԱՊԵՏՅԱՆ