Ստամբուլում ընթացող շախմատի կանանց Գրան պրիի խաղարկությունում կայացավ 3-րդ տուրը: Էլինա Դանիելյանը սպիտակներով ոչ-ոքի խաղաց չին շախմատիստուհի Շեն Յանի հետ: Երեք տուրից հետո Էլինա Դանիելյանը 1,5 միավորով զբաղեցնում է 7-րդ հորիզոնականը: Աղյուսակը 2,5-ական միավորով գլխավորում են Համպի Կոներուն, Հոու Յիֆանը, Մարթա Ֆիեռոն եւ Չժաո Սյուեն:
Կոներուն ոչ-ոքի խաղաց Բեթյուլ Իլդիչի հետ: Հաշտություն կնքեցին նաեւ Մարի Սեբագն ու Մայա Չիբուրդանիձեն: Ֆիեռոն հաղթեց Պիա Կրամլինգին, Հոու Յիֆանն առավելության հասավ Անտոանետա Ստեֆանովայի նկատմամբ, իսկ Չժաո Սյուեն պարտության մատնեց Զեյնաբ Մամեդյարովային: Վերջինս բոլոր 3 պարտիաներում էլ պարտվել է եւ եզրափակում է աղյուսակը: 4-րդ տուրում մեծ հետաքրքրությամբ է սպասվում Էլինա Դանիելյանի եւ Մայա Չիբուրդանիձեի մրցավեճը, որում հայ շախմատիստուհին խաղալու է սեւերով:
ԱՇՈՏ ՀԱՅՐԱՊԵՏՅԱՆ