Էստոնիայի հավաքականի գլխավոր մարզիչ Տարմո Ռյույուտլիի կարծիքով իր սաներին Հայաստանի հավաքականի հետ մրցավեճում դժվարին խաղ է սպասվում: Ըստ նրա, ընտրական խմբում մյուս չորս հավաքականները զգալիորեն գերազանցում են Հայաստանի եւ Էստոնիայի հավաքականներին, որոնց միջեւ պայքար է ծավալվել 5-րդ տեղի համար: Բնականաբար, էստոնացիները Երեւան են ժամանել հաջողության հասնելու ակնկալիքով, թեեւ գիտակցում են, որ դժվար է լինելու: Բայց ամեն դեպքում էստոնացիները ձգտելու են գերազանցել հայերին միավորներով եւ աղյուսակում առաջ անցնել նրանցից:
Ռյույուտլին գտնում է, որ օպտիմալ կազմով են ժամանել Երեւան, բացակայում է միայն Հոլանդիայում հանդես եկող Անդերս Օպերը: Ընդհանուր առմամբ Ռյույուտլին երկու թիմերի հնարավորությունները հավասար է գնահատում, թեեւ ըստ նրա Հայաստանի հավաքականը արագությամբ եւ ֆուտբոլիստների տեխնիկական պատրաստությամբ գերազանցում է իրենց: Բայց էստոնացիներն էլ կփորձեն իրենց հնարավորություններն օգտագործել:
ԱՇՈՏ ՀԱՅՐԱՊԵՏՅԱՆ