Երեկ հաստատվեց ավելի վաղ մամուլում հայտնված լուրը, թե Ազգային ժողովի նախագահ Հովիկ Աբրահամյանի մամուլի խոսնակ է նշանակվել Նաիրի Պետրոսյանը, ով տարիներ աշխատել է ԱԳՆ համակարգում: Փաստորեն, կարելի է ասել, որ այս էլ երկրորդ կադրն է ԱԳՆ-ից «հոսում» ԱԺ` Գեղամ Ղարիբջանյանից հետո, եւ հնարավոր է, որ վերջինը չի լինելու:
Ըստ ԱԺ հասարակայնության հետ կապերի վարչության տեղեկատվության` 33-ամյա Ն. Պետրոսյանը ԵՊՀ արեւելագիտության ֆակուլտետն է ավարտել, թուրքագետ է, նաեւ` ամերիկյան Թաֆթս համալսարանի Ֆլեթչերի դիվանագիտության եւ իրավունքի դպրոցի վերապատրաստման եւ Հռոմում տեղակայված ՆԱՏՕ-ի պաշտպանության քոլեջի բարձրաստիճան պաշտոնյաների դասընթացների շրջանավարտ է: Բացի ԱԳՆ-ից` աշխատել է նաեւ ԵԱՀԿ-ում, նախ գործուղվել է ԵԱՀԿ ՀՀ մշտական ներկայացուցչություն, ապա աշխատել ԵԱՀԿ քարտուղարությունում որպես բաժնի վարիչ:
Մ. Խ.