Դավիթ Նալբանդյանը հաջողությամբ հաղթահարեց Բարսելոնի թենիսի մրցաշարի 3-րդ փուլի արգելքըՙ պարտության մատնելով իսպանացի Նիկոլաս Ալմագրոյին (6-3, 6-4): Բայց այդ հաղթանակը նրա վրա թանկ նստեց: Նա ոտքի վնասվածք ստացավ, որի պատճառով չի կարող կորտ դուրս գալ Ռաֆայել Նադալի հետ քառորդ եզրափակիչ հանդիպմանը, որը մեծ հետաքրքրությամբ էր սպասվում: Այսպիսով, Նալբանդյանը դուրս մնաց հետագա պայքարից, իսկ Նադալն առանց պայքարի մտավ կիսաեզրափակիչ: Պայքարը շարունակում են Նիկոլայ Դավիդենկոն, Ռադեկ Շտեպանեկը, Թոմի Ռոբրեդոն, Դավիթ Ֆեռերը, Ֆեռնանդո Գոնսալեսն ու Ֆեռնանդո Վերդասկոն:
ԱՇՈՏ ՀԱՅՐԱՊԵՏՅԱՆ