ՖԻՖԱ-ն հրապարակել է ազգային հավաքականների դասակարգման հերթական ցուցակը: Հայաստանի ազգային հավաքականը նախորդ ամսվա համեմատ մեկ հորիզոնականով նահանջել է եւ այժմ զբաղեցնում է 125-րդ տեղը: Ցուցակում մեր հավաքականը գտնվում է Բոտսվանայի, Նամիբիայի, Լյուքսեմբուրգի եւ Հորդանանի ընտրանիների հարեւանությամբ:
Ինչպես եւ նախորդ ամսում, այս անգամ էլ ցուցակը գլխավորում է Եվրոպայի չեմպիոն Իսպանիայի հավաքականը: Լավագույն տասնյակում տեղ զբաղեցրած հավաքականները պահպանել են իրենց դիրքերը: Ընտրական մրցաշարում Հայաստանի հավաքականի մրցակիցներից թուրքերը 14-րդ հորիզոնականում են, բոսնիացիները 38-րդն են: Դիրքերը պահպանել են նաեւ բելգիացիները (62-րդ տեղ): Իսկ ահա Էստոնիայի հավաքականը 2 հորիզոնականով բարձրացել է եւ զբաղեցնում է 113-րդ տեղը:
Ներկայացնում ենք դասակարգման ցուցակի լավագույն տասնյակի եւ նախկին ԽՍՀՄ հանրապետությունների հավաքականների ցուցանիշները:
| 1. Իսպանիա | 1729 |
| 2. Գերմանիա | 1362 |
| 3. Հոլանդիա | 1360 |
| 4. Բրազիլիա | 1281 |
| 5. Իտալիա | 1271 |
| 6. Արգենտինա | 1195 |
| 7. Անգլիա | 1173 |
| 8. Խորվաթիա | 1151 |
| 9. Ռուսաստան | 1117 |
| 10. Ֆրանսիա | 1074 |
| 22. Ուկրաինա | 832 |
| 59. Լիտվա | 550 |
| 61. Լատվիա | 541 |
| 76. Ուզբեկստան | 455 |
| 82. Բելառուս | 431 |
| 93. Մոլդովա | 387 |
| 110. Վրաստան | 322 |
| 113. Էստոնիա | 298 |
| 125. Հայաստան | 268 |
| 137. Ղազախստան | 214 |
| 142. Ադրբեջան | 193 |
| 147. Տաջիկստան | 152 |
| 150. Ղրղըզստան | 150 |
| 153. Թուրքմենստան | 140 |
ԱՇՈՏ ՀԱՅՐԱՊԵՏՅԱՆ