«ԱԶԳ» ՕՐԱԹԵՐԹ

ԿԱՐԵՆ ՄՈՎՍԻՍՅԱՆՆ ԱՆՊԱՐՏԵԼԻ ՄՆԱՑ

Իսպանական Լա Լագունա քաղաքում անցկացված շախմատի մրցաշարում Հայաստանը ներկայացրած Կարեն Մովսիսյանը 9 հնարավորից վաստակելով 6,5 միավոր, լրացուցիչ գործակիցներով զբաղեցրեց 7-րդ տեղը: Ավարտական 4 տուրերում Մովսիսյանը հաղթեց Միոդրագ Տոդորցեւիչին, հաշտություն կնքեց Սերգեյ Կասպարովի, Ֆրանցիսկո Սանցի եւ Ռեյնալդո Գոնսալեսի հետ: Մովսիսյանը մրցաշարն անցկացրեց առանց պարտության` տոնելով 4 հաղթանակ, 5 պարտիա ավարտելով ոչ-ոքի:

Մրցաշարի հաղթող ճանաչվեց պերուացի Խուլիո Գրանդան, որը վաստակեց 8 միավոր: 2-րդ տեղում 7 միավորով իսպանացի Սալվադոր Դել Ռիոն էր: Լավագույն եռյակը եզրափակեց 7 միավոր վաստակած Դրագան Բառլովը Սերբիայից:

ԱՇՈՏ ՀԱՅՐԱՊԵՏՅԱՆ