Աբովյանում մեկնարկել է կանանց ֆուտբոլի միջազգային մրցաշար, որին մասնակցում են Հայաստանի, Էստոնիայի եւ Ղազախստանի հավաքականները: Առաջին խաղում հայ աղջիկները 0-3 հաշվով պարտվեցին էստոնացիներին: Գոլերը խփվեցին 2-րդ խաղակեսում: Հաշիվը բացեց Անաստասիա Մարկովկինան, որը քիչ անց 11 մ հարվածով 2-րդ գոլը խփեց: Խաղավարտից 6 րոպե առաջ Սիգնի Աարնան խփեց 3-րդ գոլը: Մայիսի 14-ին կմրցեն Էստոնիայի եւ Ղազախստանի հավաքականները, իսկ երկու օր անց ուժերը կչափեն Հայաստանի եւ Ղազախստանի ընտրանիները:
ԱՇՈՏ ՀԱՅՐԱՊԵՏՅԱՆ