Գյումրիի շախմատի միջազգային մրցաշարում, որին մասնակցող 10 մարզիկների թվում են 5 գրոսմայստերներ եւ 4 միջազգային վարպետներ, 3 տուրից հետո «երկիշխանություն» է: Այդ հանդիպումների արդյունքներով ձեռք բերած 2,5-ական միավորով մրցաշարային աղյուսակը գլխավորում են միջազգային վարպետներ, ղազախստանցի Ռինատ Ջումբաեւը եւ մեր մարզիկ Արթուր Չիբուխչյանը: Նրանցից կես միավորով առայժմ հետ է մնում վրաստանցի գրոսմայստեր, մրցաշարում ամենաբարձր անհատական վարկանիշն ունեցող Թամազ Գելաշվիլին:
Հայաստանցի գրոսմայստերներից մրցաշարում նախապես հայտագրված Հրայր Սիմոնյանի փոխարեն, որը բանակ է զորակոչվել, խաղում է Սամվել Տեր-Սահակյանը: Վերջինս թեեւ անհաջող է մեկնարկել եւ երեք հանդիպումներից ունի ընդամենը կես միավոր, սակայն հիմնական պայքարը դեռ առջեւում է, եւ վանաձորցի մեր ամենաերիտասարդ գրոսմայստերը դեռ կարող է դրսեւորել իր կարողությունները:
Գ. Մ.