Հենրիխ Մխիթարյանն առնվազն երեք տարի հանդես չի գա Հայաստանի առաջնություններում: «Փյունիկի» 20-ամյա հարձակվողը 3+2 տարբերակով պայմանագիր է կնքել Դոնեցկի «Մետալուրգի» հետ: Հունիսի 20-ից նա իր նոր թիմակիցների հետ, որոնց թվում է նաեւ «Բանանցի» նախկին կիսապաշտպան Արարատ Առաքելյանը, մարզվում է Ավստրիայում: Այստեղ «Մետալուրգը» ստուգողական չորս հանդիպումներից առաջինը կանցկացնի այսօր Չեխիայի «Սլովանի» հետ, որն այդ երկրի բրոնզե մրցանակակիրն է:
«Մետալուրգը» համալրել են եւս երկու ֆուտբոլիստ: Մոլդովական «Դաչիայի» 21-ամյա ուկրաինացի կիսապաշտպան Ալեքսանդր Օլեյնիկը «Մետալուրգի» հետ 5 տարվա պայմանագիր է կնքել, իսկ 21-ամյա կենտրոնական պաշտպան Իգոր Կորոտեցկին մեկ տարվա վարձավճարով հանդես կգա «Մետալուրգում»:
ԱՇՈՏ ՀԱՅՐԱՊԵՏՅԱՆ