Ինչպես տեղեկացանք «Արդշինինվեստբանկի» մամուլի ծառայությունից, բանկի վարչության նախագահ է նշանակվել Ներսես Կարամանուկյանը: Ներկայացնելով նորանշանակ վարչության նախագահին, բանկի խորհրդի նախագահ Կարեն Սաֆարյանը վստահեցրել է, որ նա կդառնա «Արդշինինվեստբանկում» ձեւավորված աշխատանքային լավագույն ավանդույթները շարունակողը:
Ներսես Կարամանուկյանն իր հերթին նշել է, որ հետագա գործունեության ընթացքում հաշվի են առնվելու ինչպես առկա միջազգային ֆինանսական դժվարությունները, այնպես էլ մեր երկրի տնտեսության առանձնահատկությունները` բոլոր հաճախորդների համար շարունակելով ապահովել լավագույն պայմաններ բանկի ծառայություններից օգտվելու համար:
Մինչ այս նշանակումը Ներսես Կարամանուկյանը Համաշխարհային բանկի Միջազգային ֆինանսական կորպորացիայի (IFC) երեւանյան գրասենյակի ղեկավարն էր:
Ա. Մ.