Ադրբեջանական APA գործակալության փոխանցմամբՙ Ադրբեջանի փոխարտգործնախարար Արազ Ազիմովը ` մեկնաբանելով Հայաստանի եւ Թուրքիայի միջեւ հարաբերությունների կարգավորման գործընթացը, նշել է, որ Ադրբեջանն անհանգստացած է հայ-թուրքական հարաբերությունների կարգավորմամբ եւ ուշադիր հետեւում է գործընթացին:
«Գիտակցում ենք, որ Թուրքիայի եւ Հայաստանի միջեւ պատմական հարցերի եւ քաղաքական խնդիրների լուծումը կարեւոր է ինչպես այդ երկու պետությունների, այնպես էլ մյուս երկրների համար: Սակայն, հաշվի առնելով տարածաշրջանային հակամարտությունների միջեւ առկա կապը, առանձին հարցերի մեկուսացված եւ առանձին լուծումը ոչ միայն անհնարին է, այլեւ կարող է բացասական արդյունքի հանգեցնել», ասել է փոխնախարարը:
Հ. Հ.