Հոկտեմբերի 11-ին «Հայաստան» մարզական միության մարզասրահում կկայանա կոնտակտային կարատեի Հայաստանի բաց առաջնությունը: Պարգեւները կվիճարկեն շուրջ 180 մարզիկներ: Մրցաշարը մեր կարատեիստների համար ուժերի հիանալի ստուգատես կլինի հոկտեմբերի 24-31-ը Կիպրոսում կայանալիք առաջնությունից առաջ:
Հայաստանի այկիկենդո կարատեի ֆեդերացիան գործում է 2004-ից: Միջազգային մրցաշարերում արդեն գրանցվել են առանձին հաջողություններ: Օրինակ, 12-ամյա Վանիկ Պապոյանը (36 կգ) Եվրոպայի չեմպիոն է, Եվրասիայի առաջնության արծաթե մրցանակակիր: 16-ամյա Մարտին Այվազյանը (59 կգ) եւս ոսկե մեդալ է նվաճել Եվրոպայի առաջնությունում:
ԱՇՈՏ ՀԱՅՐԱՊԵՏՅԱՆԸ