ՀՀ Ազգային անվտանգության ծառայության (ԱԱԾ) աշխատակիցները ձերբակալել են Հայաստանի քաղաքացի Գեւորգ Հայրապետյանին, որը մեղադրվում է ադրբեջանական հատուկ ծառայությունների հետ կապի մեջ:
NEWS.am կայքէջը, հենվելով ԱԱԾ տեղեկության վրա, հայտնում է, որ Հայրապետյանը ՀՀ պահեստազորի փոխգնդապետ է: 2007-ին նա հեռացվել է ՀՀ զինված ուժերից` ռազմական ու ծառայողական կարգի կոպիտ խախտման համար: Հայրապետյանը մեղադրվում է «Պետական դավաճանություն. լրտեսություն» հոդվածով:
Ձերբակալվել են նաեւ արտասահմանյան քաղաքացիներ, որոնք միջնորդ են եղել Հայրապետյանի եւ ադրբեջանական հատուկ ծառայությունների միջեւ:
Հ. Ա.