Քշիշտոֆ Պենդերեցկու օրերը Հայաստանում կանցնեն չորս համերգովՙ հոկտեմբերի 26-29: Բոլոր չորս համերգներում կհնչեն բացառապես Պենդերեցկու գործերը, իսկ համերգներից մեկը տեղի կունենա հենց նրա խմբավարությամբ: 76-ամյա կոմպոզիտորի հայաստանյան երկրորդ համերգաշարն է, առաջինը տեղի է ունեցել նախորդ տարիՙ ապրիլին: Այս տարի կոմպոզիտորի գործերը կհնչեն «Շանհայ» քառյակի, ավստրիացի ջութակահար Յուլիան Ռախլինի, լատվիացի ալտահար Իվան Մոնիգետիի եւ այլ մենակատարների կատարմամբ: Համերգներին կմասնակցեն նաեւ Հովհաննես Ապիկյանը (հոբոյ), Արթուր Ավանեսովը (դաշնամուր), Մարտին Ուլիխանյանը (կլառնետ), ինչպես նաեւ Հայաստանի պետական ֆիլհարմոնիկ նվագախումբը, Հայաստանի պետական ակադեմիական երգչախումբը, «Սերենադ» կամերային նվագախումբն ու «Հովեր» երգչախումբը:
Ն. Պ.