«ԱԶԳ» ՕՐԱԹԵՐԹ

ԱՆՆԱՆ ԱՌԱՋԱՏԱՐՆԵՐԻ ԽՄԲՈՒՄ Է

Մեկօրյա հանգստից հետո Արգենտինայում ընթացող շախմատի մինչեւ 20 տարեկանների աշխարհի առաջնության մասնակիցները կրկին նստեցին խաղասեղանների շուրջը: 8-րդ տուրն անհաջող էր Ավետիք Գրիգորյանի համար, որը սեւերով պարտվեց Դմիտրի Անդրեյկինին: 8 տուրից հետո Ավետիքը վաստակել է 5 միավոր:

Մրցաշարում երկիշխանություն հաստատվեց: Բելառուսցի Սերգեյ Ժիգալկոյին միավորներով (6,5) հավասարվեց ֆրանսիացի Մաքսիմ Վաշիե-Լագրավը, որը հաղթեց Ֆալկո Բինդրիխին: Իսկ Ժիգալկոն հաշտություն կնքեց Էդուարդո Իտուրիզագայի հետ: Վերջինս 6 միավոր վաստակեց: Նույնքան միավոր ունեն նաեւ Դավիթ Հովելը, Լի Չաոն եւ Իվան Պոպովը:

Կանանց մրցաշարում Աննա Հայրապետյանը սեւերով պարտության մատնեց վրաց շախմատիստուհի Նազի Պաիկիձեին: Աննան 5,5 միավորով մոտեցավ առաջատարներինՙ Քսյավեն Չանգին, Ժոզեֆինա Պաուլետին, Սվամինաթան Սոումային եւ Կատրինե Ջոլսենին, որոնք հայ շախմատիստուհուն գերազանցում են ընդամենը կես միավորով:

ԱՇՈՏ ՀԱՅՐԱՊԵՏՅԱՆ