Սա ֆուտբոլի Հայաստանի մինչեւ 17 տարեկան աղջիկների հավաքականի տխուր ցուցանիշն է Եվրոպայի առաջնության ընտրական մրցաշարում: Առաջին խաղում մեր ֆուտբոլիստուհիները 0-19 հաշվով զիջել էին ռուսներին, ապա 21 անպատասխան գնդակ էին բաց թողել իսպանուհիներից: Եվ ահա ավարտական խաղում մեր հավաքականը կարողացավ գոնե ավելի քիչ գոլ բաց թողնելՙ ընդամենը 12 անգամ գնդակը հանելով ցանցից: Գուցե մրցակիցն այս անգամ այնքան էլ չջանաց շատ գոլեր խփել, քանի որ հաջորդ փուլ դուրս գալու համար սերբերին պարզապես 3 միավոր էր անհրաժեշտ:
Սկզբունքային էր Ռուսաստան-Իսպանիա հանդիպումը, որում հաղթելով 3-0 հաշվով, իսպանացիները խմբում գրավեցին առաջին տեղն ու կշարունակեն պայքարը:
ԱՇՈՏ ՀԱՅՐԱՊԵՏՅԱՆ