«Թուրքիան ստիպված է լինելու վերանայել երկիր ներմուծվող գազի սակագները` ենթարկվելով Ադրբեջանի եւ Իրանի ճնշումներին», հայտնում է թուրքական «Զաման»-ը:
Այդ մասին Ստամբուլում կայացած 11-րդ միջազգային էներգետիկայի համաժողովում հայտարարել էր նաեւ Թուրքիայի էներգետիկայի եւ բնական պաշարների նախարար Թաներ Յըլդըզը: Նախարարը նշել է նաեւ, որ Ադրբեջանին եւ Իրանին տրվող լրացուցիչ վճարումները կիրականացվեն «Գազատարերի թուրքական պետական կորպորացիայի» բյուջեի հաշվին: Միեւնույն ժամանակ Յըլդըզը շեշտել է, որ գազի թանկացումները վատ կանդրադառնան եկող տարվա բյուջեում ավելացումների հասնելու համար:
Թուրք նախարարը խոսել է նաեւ էլեկտրաէներգիայի կարգավորման մասին: Թուրքիայի այդ համակարգում հանդես են գալիս մի քանի ընկերություններ` որպես մեկ մասնակից: «Մեր կառավարության նպատակն է այդ ընկերություններից ցածր գնով էլեկտրաէներգիա ձեռք բերել: Ներկայումս մենք քննարկում ենք հարցը», ասել է Յըլդըզը:
Տեղեկացնենք, որ Թուրքիա ներմուծվող էլեկրաէներգիայի գինը տատանվում է 0,134-ից 0,154 դոլար կվտ/ժ-ի դիմաց, ինչը 27 տոկոսով քիչ է ներկրվող էլեկտրաէներգիայի գնից: Թուրք նախարարը նշել է նաեւ, որ Թուրքիան այժմ աշխատում է իր էներգաաղբյուրների դիվերսիֆիկացիայի վրա, եւ այդ հարցը մի քանի ամիս հետո կներկայացվի Մեջլիսի քննարկմանը:
Հ. Ա.