Մոսկվայում անցկացված լողի աշխարհի գավաթի խաղարկության 3-րդ փուլում Միքայել Քոլոյանը թեեւ համեստ տեղեր զբաղեցրեց, սակայն հանրապետական 2 ռեկորդ սահմանեց: Նա 50 մետր ազատ լողաոճում մրցատարածությունը հաղթահարեց 23,25 վրկ-ում: Այս ցուցանիշով Քոլոյանը զբաղեցրեց 20-րդ տեղը: Հանրապետության նոր ռեկորդ էր նաեւ 50 մետր բատերֆլյայ լողաոճում ցույց տված նրա արդյունքը (25,6 վրկ): Այդ արդյունքով Քոլոյանը հանգրվանեց 28-րդ հորիզոնականում:
ԱՇՈՏ ՀԱՅՐԱՊԵՏՅԱՆ