Բրիտանական NewMusicalExpess երաժշտական հանդեսի NMEAwards մրցանակի հավակնորդների ցանկը գլխավորում են Arctic Monkeys եւ Kasabian խմբերը, որոնք թեկնածուներ են համապատասխանաբար 6 եւ 5 անվանակարգերում:
Kasabian-ի 5 անվանակարգերն են «Լավագույն բրիտանական խումբ», «Լավագույն «կենդանի» կատարում», «Լավագույն ալբոմ», «Լավագույն տեսաերիզ», «Շռայլություն երկրպագուների հանդեպ»: Arctic Monkeys-ը կպայքարի նաեւ «Լավագույն երգ» անվանակարգում:
Մրցանակաբաշխության արարողությունը տեղի կունենա փետրվարի 24-ին, Լոնդոնի Բրիքստոնյան ակադեմիայում, հաղորդում է BBC-ն:
Մրցանակների համար 4 անվանակարգում կպայքարի բրիտանական Muse այլընտրական խումբը, երեք անվանակարգումՙ հանրահայտ «Օազիսը», որն անցյալ տարի արժանացավ «Լավագույն խումբ» մրցանակին, իսկ հետո ցրվեց:
Օտարերկրյա խմբերի մեջ լավագույնի կոչման համար կպայքարեն Green Day, Kings of Leon, Paramore, Vampire Weekend եւ Yeah Yeah Yeah խմբերը:
Պ. Ք.