Հայաստանի կառավարությունը երեկ հավանություն տվեց օրենքի այն նախագծին, որով լրացում է կատարվում ՀՀ միջազգային պայմանագրերի մասին օրենքում: Ըստ նախագծի` միջազգային պայմանագիր ստորագրող կողմը մինչեւ ստորագրված պայմանագրի ուժի մեջ մտնելը, իրավունք ունի այդ պայմանագրի մասնակիցը չդառնալու` զանազան խանգարիչ հանգամանքների երեւան գալու դեպքում, այդ մտադրության մասին հստակ հայտնելով: Սա փաստորեն ապահովական տարբերակ է այն դեպքում, եթե թուրքերը զզվեցնեն իրենց նախապայմաններով կամ ձգձգեն արձանագրությունների վավերացումը, այս լրացման պարագայում Հայաստանը հնարավորություն կունենա ընդհատելու գործընթացը: Ավելի վաղ նախագահ Սարգսյանն էր հանձնարարել համապատասխան կառույցներին` մշակել միջազգային պայմանագրերից հրաժարվելու, դրանք չեղյալ հայտարարելու, ստորագրությունը հետ կանչելու նախագիծ եւ ներկայացնել Ազգային ժողով:
Մ. Խ.