Թուրքական հեռուստաընկերության եթերում տեղի է ունեցել բանավեճ «Թարաֆ» թերթի ստամբուլահայ թղթակից Սեւան Նշանյանի եւ թուրք պատմաբան Յուսուֆ Հալաչօղլուի միջեւ: Նշանյանը նշել է, որ Թուրքիան շարունակում է անամոթաբար ժխտել ցեղասպանության փաստը: «Եթե Անկարան ընդունի իրողությունը, ապա ոչ մի խնդիր չի ունենա», ասել է Նշանյանը: Հալաչօղլուն հակադարձել է` «բացահայտելով ճշմարտությունն» այն մասին, որ «Թուրքիայում զոհված 250-300 հազար հայերի մահվան պատճառը եղել են սովը եւ տարբեր հիվանդությունները»: «Դուք ստում եք,- արձագանքել է Նշանյանը,- Դուք անամոթաբար խաբում եք, պարոն»: Նշանյանը նաեւ ուղիղ եթերում ներկայացրել է ցեղասպանությունը ապացուցող որոշ փաստաթղթեր, այդ թվումՙ Թալեաթ փաշայի հրամանը: Հաղորդավարը, նկատելով մեծացող լարվածությունը, հաղորդումն ընդմիջել է գովազդով: