Կյանքի 85-րդ տարում Միացյալ Նահանգներում մահացել է հոլիվուդյան հայտնի դերասան Թոնի Քերթիսը: Entertainment Tonight պարբերականի փոխանցմամբ` դերասանի դուստրը Ջեյմի Լի Քերթիսը հաստատել է նրա մահվան մասին տեղեկատվությունը:
Թոնի Քերթիսը ծնվել է 1925 թվականին: Կինոյում իր կարիերան սկսել է 1940-ականներին: 1950-60-ական թվականներին Թոնի Քերթիսն ամերիկյան կինեմատոգրաֆիայի ամենահայտնի դերասաններից էր: Նա նկարահանվել է «Սպարտակ», «Վիկինգներ», «Ջազում միայն աղջիկներն են», «Մաֆիայի թագուհին» եւ այլ ֆիլմերում: «Ջազում միայն աղջիկներն են» ֆիլմում Թոնի Քերթիսը խաղացել է հանրահայտ դերասանուհի Մերլին Մոնրոյի հետ:
Դերասանը 6 երեխաների հայր էր եւ ամուսնացած է եղել 5 անգամ:
Ի. Պ.