Հայաստանի պաշտպանության նախարար Սեյրան Օհանյանի գլխավորած պատվիրակությունը երեկ մեկնել է Ուկրաինա (Ղրիմ, Պարտենիտ)` ԱՊՀ-ի պետությունների պաշտպանության նախարարների խորհրդի նիստին մասնակցելու:
Խորհրդի նիստում, որը կկայանա վաղը, օրակարգի համաձայն կքննարկվի 21 հարց ԱՊՀ-ի պետությունների պաշտպանական գերատեսչությունների համագործակցության վերաբերյալ, ինչպես նաեւ կընդունվեն հստակ որոշումներ ընդհանուր գործունեության ծավալման եւ ակտիվացման ուղղությամբ:
Հայաստանի պաշտպանության նախարարության տեղեկատվության եւ հասարակայնության հետ կապերի վարչության փոխանցմամբ` նիստում կքննարկվեն նաեւ խորհրդի աշխատանքային մարմինների գործունեության արդյունքները եւ կհաստատվի խորհրդի 2011 թվականի աշխատանքային պլանը:
Հ. Ա.