Գարեգին Բ Ամենայն հայոց կաթողիկոսի հայրապետական տնօրինությամբ Մայր Աթոռ Սուրբ Էջմիածնի կրթական հաստատություններում եւ վանքերում տեղի են ունեցել նոր նշանակումներ:
Կոստանդնուպոլիս մշտական ծառայության մեկնելու կապակցությամբ Տ. Սահակ եպիսկոպոս Մաշալյանը ազատվել է Գեւորգյան հոգեւոր ճեմարանի տեսչի պարտականություններից: Սեւանի Վազգենյան հոգեւոր դպրանոցի տեսուչ Տ. Գեւորգ վարդապետ Սարոյանը, ազատվելով դպրանոցի տեսչի պարտականություններից, ս. թ. դեկտեմբերի 10-ից նշանակվել է Գեւորգյան հոգեւոր ճեմարանի տեսուչ:
Սուրբ Գեղարդ վանքի վանահայր Տ. Շնորհք աբեղա Սարգսյանը, ազատվելով վանահոր պարտականություններից, նոյեմբերի 15-ից ստանձնել է Սեւանի Վազգենյան դպրանոցի տեսչի պաշտոնը:
Տ. Կյուրեղ աբեղա Դավթյանը նշանակվել է Սուրբ Շողակաթ վանքի վանահայր, որի վանահայրը կարգալույծ էր հռչակվել վերջերս: