Սեպտեմբերին Ամերիկայում անգլերեն լեզվով հրատարակված «Հայկական խոհանոց: Պահպանելով մեր ժառանգությունը» գիրքն, ըստ «Արմինյն միրոր սփեքթեյթր» շաբաթաթերթի նոյեմբերի 6-ի տեղեկատվության, արդեն իսկ լույս է տեսել երկրորդ հրատարակությամբ: Հայկական խոհանոցը մեր ինքնության պահպանման անքակտելի մասն է եղել, եւ հայ կանայք մեծ դեր են խաղացել, պատասխանատվության բարձր զգացումներով, դրա շարունակական բնույթին սերնդից սերունդ փոխանցելով տարբեր ճաշատեսակների ու թխվածքների բաղադրատոմսերը: Դրանք հիմնականում պատմական Հայաստանի 6 գլխավոր նահանգներից են, եւ հնարավոր կորստից փրկելու նպատակով Սաութֆիլդի (Միչիգան) Սբ Հովհաննես հայկական եկեղեցու կանանց միությունը (գիլդիան), նախաձեռնությամբ Լինդա Թիֆանիի, Դոլլի Մատոյանի եւ Պամելա Դայինյանի, ի մի է հավաքել ավելի քան 450 հայկական բաղադրատոմսեր, մանրամասն ստուգել (նույնիսկ փորձել պատրաստել), ապա տեղադրել գրքի էջերումՙ որպես լավագույն նվեր 21-րդ դարի երիտասարդ սերնդին:
Գրքի մասին հավելյալ տեղեկությունների համար խորհուրդ է տրվում այցելել «stjohnarmenianchurch/publicationsandinfo» կամ «armeniancuisinecookbook.html» կայքերը:
Հ. Ծ.