«Հայփոստի» փոստային բաժանմունքներից մեկում երեկ շրջանառության մեջ դրվեցին մարզական թեմաներով երկու նամականիշ եւ երկու գեղաթերթիկ` երեքական նամականիշով: Մարվող նամականիշները նվիրված են այս տարվա կարեւորագույն միջազգային մարզական իրադարձություններին, ինչպես նաեւ Հայաստանի օլիմպիական չեմպիոններից Վլադիմիր Ենգիբարյանին, Ֆաինա Մելնիկին եւ Յուրի Վարդանյանին:
Մարման պաշտոնական արարողությանը ներկա էին տրանսպորտի եւ կապի նախարար Մանուկ Վարդանյանը, «Հայփոստ Թրասթ Մենեջմենթ» ընկերության, «Հայփոստ» ՓԲԸ ղեկավարներ, Հայաստանի օլիմպիական կոմիտեի փոխնախագահը, Հայաստանի ֆիլատելիստների միության նախագահ Հովիկ Մուսայելյանը, հայտնի մարզիկներ եւ այլ հյուրեր:
Ա. Մ.