«ԱԶԳ» ՕՐԱԹԵՐԹ

«ԱՂԵՏ» ՖԻԼՄԸ ՆԵՐԿԱՅԱՑՎԵԼ Է «ԳՐԻՄՄԵ» ՄՐՑԱՆԱԿԻ

Էրիկ Ֆրիդլերի «Աղետ. մի ցեղասպանություն» 90-րոպեանոց ֆիլմը, ի թիվս NDR-ի 11 այլ արտադրությունների, ներկայացվել է 2011-ի «Ադոլֆ Գրիմմե» մրցանակին:

Հեռուստատեսության սահմանած «Ադոլֆ Գրիմմե» մրցանակն ամենամյա է, Գերմանիայում համարվում է հեղինակավորներից մեկը: NDR-ի Հյուսիսարեւմտյան ռադիոհեռուստատեսության առաջին գլխավոր տնօրեն Ադոլֆ Գրիմմեի (1889- 1963) անունով է կոչվում:

Հիշեցնենք, Հայոց ցեղասպանության մասին պատմող «Աղետ» վավերագրությունը 2010-ին շահեց գերմանական հեռուստատեսության մրցանակը վավերագրություն անվանակարգում եւ «Արմին Թ. Վեգներ» մարդասիրական մրցանակը (Humanitarian Award): «Ադոլֆ Գրիմմե» մրցանակի այն ներկայացվել է տեղեկատվություն եւ մշակույթ անվանակարգում: Հաղթողների անունները պարզ կդառնան մարտի 16-ին, մրցանակների հանձնումըՙ ապրիլի 1-ին:

Ան. Հ., Գերմանիա