«ԱԶԳ» ՕՐԱԹԵՐԹ

Ի՞ՆՉ ԳԻՏԵՆՔ ՍՈՒՐԲ ՍԱՐԳՍԻ ՏՈՆԻ ՄԱՍԻՆ

Ամենայն հայոց Գարեգին Բ հայրապետի տնօրինությամբ Սբ. Սարգիս զորավարի տոնը հռչակվեց երիտասարդների օրհնության օր: Այն Հայաստանում պաշտոնապես նշվել է 2007թ.: Սբ. Սարգսի տոնի խորհուրդի, ավանդույթների մասին հարցում կատարեցինք երիտասարդության շրջանում: Ի՞նչ գիտենք Սբ.Սարգսի տոնի մասին:

- Ըստ Ձեզ` Սբ.Սարգիս տոնը ի՞նչ խորհուրդ ունի.

- Ինձ թվում է, որ Սբ.Սարգսի տոնը մի հնարավորություն է եւս մեկ անգամ սիրահար զույգերին իրար մոտեցնելու, իրար նկատմամբ ավելի անմիջական դառնալու:

Թուսինյան Սյուզաննա 17տ.

- Սբ. Սարգիս զորավարի տոնը վերջերս սկսվել է նշվել որպես սիրո բարեխոս: Իրականում դա ավելի շատ նշվում է նրա համար, որ Հայաստանում չնշվի Սբ. Վալենտինը եւ ժողովրդի միջից հանվի օտարամոլությունը: Պրոֆեսոր Կարապետ Մելիք-Օհանջանյանը նշել է, որ Սբ. Սարգիսը «Սասնա ծռերի եւ Սասունցի Դավթի» հովանավորն է եղել: Տոնը նշվում է ոչ միայն եկեղեցական ծեսով, այլ ժողովրդական ավանդույթներով:

Ասոյան Աղվան 17տ.

- Դուք հավատո՞ւմ եք Սբ. Սարգսի զորությանը:

- Իհարկե հավատում եմ եւ ամեն տարի ուտում եմ աղի բլիթ:

Բալասանյան Մերի 17տ.

- Ճիշտն ասած ես չեմ հավատում, քանի որ սիրող մարդը առանց բարեխոսի միջնորդության էլ կսիրի:

Թուսինյան Սյուզաննա 17տ

- Դուք ո՞ր տոնն եք նախընտրում Սբ. Սարգսի թե՞ Սբ.Վալենտինի:

- Ես նման տոները անիմաստ եմ համարում, բայց նախապատվություն տալիս եմ Սբ. Սարգսի տոնին, քանի որ այն հայկական է:

Թուսինյան Սյուզաննա 17տ.

- Ո՞րն է պատճառը, որ նախընտրում եք Սբ. Սարգիսը կամ Սբ.Վալենտինը:

- Քանի որ Սբ. Սարգսի ժամանակ տեսնում ես ընտրյալիդ:

Ասատրյան Լուսինե 18տ.

- Սբ. Վալենտինի տոնը «գլամուռ» է:

Գեւորգյան Արմինե 17տ.

- Քանի որ մենք հայ ենք, եւ եթե չառաջնորդվենք մեր ավանդույթներով, ապա ինչպես կարող ենք կոչվել հայ: Մենք պարտավոր ենք գովերգել, սիրել մեր ավանդույթները:

Մաթեւոսյան Միլենա 18տ

- Մինչ քրիստոնեությունը, բնապաշտ հայերը, ո՞ր Աստծու տոնն էին նշում Սբ. Սարգսի փոխարեն:

- Կարծում եմ, այդ Աստվածը տղամարդ է, բայց ստույգ չեմ կարող ասել, թե ով:

Շահումյան Անժելա 17տ

- Որքանով տեղյակ եմ, գեղեցկության աստված Արան էր: Մինչ քրիստոնեություն բնապաշտ հայերը ունեին մեռնող-հառնող աստվածության գաղափարը: Արայի տոնը համընկնում էր «Ձմեռ-մահ դեպի գարուն, զարթոնք-կյանք» եղանակին (ըստ ակադեմիկոս Ադոնցի):

Թորոսյան Լիանա 21տ.

- Իրականում այդպիսի հասկացողություն չկա, որ հեթանոսական տոնի փոխարեն նշվի քրիստոնեական տոն:

Ասոյան Աղվան 17տ.

Ահա այն պատկերը եւ պատկերացումները, որ ունենք մենք այս տոնի կապակցությամբ:

ՄԱՆԱՆԱ ՀՈՎԱԿԻՄՅԱՆ