Ռուսաստանյան «Ֆինանս» հեղինակավոր հանդեսը հրապարակել է երկրի 500 մեծահարուստների ցուցակը: Անշուշտ որոշակի պայմանականություն կա նման հրապարակումներում, որոնք հեղինակում են տարբեր լրատվամիջոցներ կամ հետազոտական կենտրոններ: Որովհետեւ Ռուսաստանի պայմաններում միշտ չէ, որ հնարավոր է ստույգ տեղեկանալ եկամտի աղբյուրների մասին:
Ինչեւէ, հետաքրքրական է, որ չնայած տնտեսական ճգնաժամին, անցյալ տարի ռուսաստանցի դոլարային միլիարդատերերի (114 հոգի) ընդհանուր կապիտալը աճել է մեկ երրորդով: 500-ի մեջ «ամենաաղքատն» ունի 160 միլիոն դոլար: Եթե նկատի ունենանք, որ հրեաներն այս երկրի բնակչության մեկ տոկոսն էլ չեն կազմում, ապա կարելի է ասել, որ նրանք գերակշիռ տեղ են գրավում ցուցակում, հատկապես միլիարդատերերի առաջին տասնյակում (այստեղ, ավա՜ղ, հայեր չկան): Ուշադրություն է գրավում, որ զգալի թվով մեծահարուստ հրեաներ կրում են մուսուլմանական ազգանուններ: Քիչ չեն նաեւ մեծահարուստները, որոնց կանայք են հրեա, ինչը հրեաների համար նույն բանն էՙ ժառանգներն են հրեա: Որպեսզի այն ավանդական պատկերացումը չստեղծվի, որ աղքատները նստած հարուստների փողերն են հաշվում, երեւույթին հաղորդենք ազգային երանգ: Այսինքնՙ այդ ցուցակում քանի հայազգի գործարար մարդ կա:
Ռ. Հ.
| Տեղը 2010 | Անուն-ազգանունը | Գնահատականը մլրդ $ | Գնահատականը մլրդ ռուբ. | Կարգավիճակը |
| 91 | Դանիլ Խաչատուրով | 0,79 | 23,9 | «Ռոսգոսստրախի» եւ մի շարք այլ ֆինանսական ու անշարժ ակտիվների համասեփականատեր |
| 92 | Սերգեյ Խաչատուրով | 0,79 | 23,9 | Դանիլ Խաչատուրովի եղբայրն ու գործընկերը |
| 93 | Նիկոլայ Սարկիսով | 0,78 | 23,6 | «Ռեսո-գարանտիի» փոխտնօրեն |
| 94 | Սերգեյ Սարկիսով | 0,78 | 23,6 | «Ռեսո» եւ «Ռեսո-գարանտի» խմբի տնօրենների խորհրդի նախագահ |
| 139 | Սամվել Կարապետյան | 0,58 | 17,5 | «Տաշիր» խմբի նախագահ եւ հիմնական սեփականատեր |
| 209 | Ռուբեն Վարդանյան | 0,39 | 11,8 | «Տրոյկա դիալոգի» տնօրենների խորհրդի նախագահ եւ հիմնական սեփականատեր |
| 215 | Տիգրան Ներսիսյան | 0,38 | 11,5 | «Բորոդինո» բազմապրոֆիլ հոլդինգի համասեփականատեր |
| 332 | Իգոր Ավանեսյան | 0,2 | 6 | «Զենիթ» բանկի համասեփականատեր, «Ցենտր կապիտալ» լիզինգային ընկերության նախագահ |
| 479 | Արտյոմ Խաչատրյան | 0,11 | 3,3 | «Sun Investments Partners» ներդրումային ընկերության տնօրենի գործընկեր |