Մի խումբ ամերիկաբնակ հայեր դատական կարգով պահանջ են ներկայացրել ԱՄՆ կնետրոնական բանկին` հրապարակելու Ցեղասպանության ժամանակ թուրքական իշխանությունների` հայերից խլած ունեցվածքի, ոսկեղենի ընդհանուր արժողության ցանկը: Ամերիկահայերի համար նման պահանջով դիմելու համար հիմք է հանդիսացել ամերիկյան օրենքը, ըստ որի` «ԱՄՆ կենտրոնական բանկը պարտավոր է ազատորեն տեղեկություն տալ յուրաքանչյուր պահանջի դեպքում»:
Ըստ նախնական տվյալների` միայն 1915-ին թուրքական իշխանությունները հայերից խլել են շուրջ 8 մլն 130 հազար դոլարի արժողությամբ շարժական գույք, որը որպես թուրքական ոսկի ի պահ է տրվել գերմանական Reichs բանկում: Այնուհետեւ, առաջին աշխարհամարտից հետո, համաձայն Վերսալյան պայմանագրի, այդ գումարն անցել է ԱՄՆ-ին եւ մյուս դաշնակից պետություններին:
Հ. Ա.