Ապրիլի 28-ին, ժամը 16:15-ի սահմանում ղարաբաղա-ադրբեջանական հակամարտ զորքերի շփման գծի հարավարեւելյան (Մարտունու) պաշտպանական ուղղությամբ տեղակայված դիրքերից մեկում հակառակորդի արձակած գնդակից գլխուղեղի շրջանում հրազենային մահացու վերք է ստացել ՊԲ ժամկետային զինծառայող, 1992թ. ծնված Վազգեն Կառլենի Բախշյանը:
Պաշտպանության բանակի լրատվության եւ քարոզչության բաժնից տեղեկացնում են, որ դեպքից անմիջապես հետո զինվորական հոսպիտալ տեղափոխվելու ճանապարհին վիրավորը մահացել է: Միջադեպի մանրամասները ճշտվում են:
Իսկ երեկ, ապրիլի 29-ին, ողջ օրվա ընթացքում ադրբեջանական առաջապահ ուժերը ինտենսիվ կերպով շարունակել են գնդակոծել ՊԲ դիրքերը, որի հետեւանքով զոհվել է եւս երկու զինծառայող, իսկ մեկըՙ վիրավորվել:
Հ. Ա.