Սննդամթերքի անվտանգության պետական ծառայության փոխանցմամբ` երեկ օրվա ընթացքում քաղաքացիները զանգահարել են սննդամթերքի անվտանգության ծառայություն եւ հաղորդել, որ «ԳՈՒՄ-ի շուկայի» հարեւանությամբ գտնվող մսի տաղավարներում կրկին իրականացվում է մսի վաճառք եւ կրկին ոչ սառնարանային պայմաններում: Մինչ գյուղատնտեսության նախարարության վերոնշյալ ծառայությունը կիրականացնի հերթական ստուգումը, ծառայությունը բնակիչներին կոչ է անում ձեռնպահ մնալ ոչ սառնարանային պայմաններում վաճառվող մսի ձեռքբերումից: Ծառայությունն այս կոչով դիմում է քաղաքացիներին` ելնելով անվտանգության նկատառումներից:
Ի. Պ.