Քասախ գետի ձախ եւ աջ ափերը միմյանց միացնող միակ հետիոտնային կախովի կամուրջը բարեկարգվել է «Հայաստան» համահայկական հիմնադրամի, ՀՀԿ երիտասարդական կազմակերպության եւ Աշտարակի քաղաքապետարանի ջանքերով:
Կամուրջը, որ 1970-ականներից չէր վերանորոգվել, զբոսաշրջության համար կարեւոր նշանակություն ունեցող վայրերից է: Հենց այդտեղից է գեղեցիկ տեսարան բացվում դեպի Սուրբ Սարգիս, Ծիրանավոր, Սպիտակավոր եկեղեցիները, Աշտարակի ջրաղացն ու հին կամուրջը:
Բարեկարգման աշխատանքների շրջանակներում երիտասարդները ներկել են կամուրջը, տեղադրել ծաղկամաններ: Վերականգնվել է կամրջի ողջ երկայնքի լուսավորության համակարգը:
Հ. Հ.