«Իրանահայ» լրատվական կայքէջը հակերների ծանր հարձակման թիրախ է դարձել, անջատվել է կայքէջ-ընթերցող կապը: Այն հատկապես Նոր Ջուղայի Սբ Ամենափրկիչ եկեղեցու թալանի եւ 5-րդ համահայկական խաղերի լուսաբանման կապակցությամբ այցելու-ընթերցողների մեծ շրջանակ էր ձեռք բերել, ինչը չէր կարող դուր գալ ոմանց: Նույն օրը տարածման խնդիրներ է ունեցել նաեւ «Արաքս» օրաթերթը: Նոր Ջուղայի «Հաքիմ Նիզամի» հայաշատ պողոտայի կրպակից մի անձ գնել է «Արաքս»-ի վերջին համարի բոլոր օրինակները: Թերթի վերջին համարում անդրադարձ կար Նոր Ջուղայի Սուրբ Ամենափրկիչ վանքի թալանին ու այդ կապակցությամբ Սպահանի հայոց թեմի թեմական խորհրդի անբացատրելի լռությանը:
Հիշեցնենք, որ Սուրբ Ամենափրկիչ եկեղեցու թանգարանից թալանված սրբապատկերների կապակցությամբ շարունակում են լուռ մնալ Սպահանի հայոց թեմի պատասխանատուները:
Իրանահայ երկու լրատվամիջոցները չեն բացառում, որ կատարվածը պատահականություն չէ եւ այս դեպքերը շաղկապված են:
Հ. Հ.