Ռուսաստանի Դաշնությունից Հայաստան ներկրված 1100 տոննա ցորենի էլիտային վերարտադրության սերմացուն, կառավարության երեկ ընդունած որոշմամբ, կբաշխվի Հայաստանի մարզերի յոթ եւ ավելի հեկտար հողատարածք ունեցող շահառուներին: Այս առնչությամբ վարչապետ Տիգրան Սարգսյանը նշեց, որ 2012-ին կունենանք գյուղատնտեսական արտադրողականության աճ. մի կողմից կավելանան մշակվող հողերի ծավալները, մյուս կողմից` արտադրողականությունը, քանի որ առաջին անգամ Հայաստանում բարձրորակ սերմեր են տրամադրվում գյուղացիական տնտեսություններին: «Սա լուրջ հեղափոխական փոփոխություն է մեր գյուղատնտեսության մեջ», ասաց նա:
Ա. Մ.