Հիդրոմետ ծառայությունից տեղեկացանք, որ փետրվարի 7-ին օրվա երկրորդ կեսից մինչեւ փետրվարի 11-ը հանրապետության տարածքը կգտնվի միջերկրածովյան ցիկլոնի եւ դրանով պայմանավորված հարավարեւմտյան համեմատաբար տաք օդային հոսանքների ազդեցության գոտում: Փետվարի 8-ի գիշերը օդի ջերմաստիճանը կբարձրանա 10-13 աստիճանով եւ կտատանվի հովտային շրջաններում -3...-6, նախալեռնային շրջաններում -4...-8, լեռնային շրջաններում -9...-13 աստիճանի սահմաններում, ցերեկային ջերմաստիճանը էապես չի փոխվի:
Փետրվարի 7-ի երեկոյան ժամանակ առ ժամանակ հանրապետության ողջ տարածքում, 11-ինՙ Լոռիում, Տավուշում եւ Սյունիքում սպասվում է ձյուն, տեղ-տեղ մառախուղ: Քամինՙ հյուսիսարեւելյան 5-10 մ/վրկ, առանձին վայրերում սպասվում է քամու ուժգնացում 15-20 մ/վրկ, լեռներում եւ լեռնանցքներում բուք, ճանապարհներինՙ մերկասառույց: Երեւանում առաջիկա չորս օրերին կնկատվի ջերմաստիճանի կտրուկ փոփոխություն, ժամանակ առ ժամանակՙ ձյուն:
Մ. Մ.