Երեկ հայտնի դարձավ ՀԱԿ-ի նախընտրական շտաբի պետի անունը` ՀԱԿ համակարգող Լեւոն Զուրաբյան: Ավելի վաղ հայտնի էր, որ «Ժառանգության» նախընտրական շտաբի պետն է «Ազատ դեմոկրատներ» կուսակցության նախագահ Խաչատուր Քոքոբելյանը, ՀՀԿ-ինը` Հովիկ Աբրահամյանը, ԲՀԿ-ինը` քաղաքաշինության նախարար Վարդան Վարդանյանը, ՕԵԿ-ինը` կուսակցության փոխնախագահ Հեղինե Բիշարյանը, ՀՅԴ-ինըՙ ներկայիս ԱԺ պատգամավոր Միքայել Մանուկյանը: Ընտրություններին մասնակցելու հայտ ներկայացրած «Միավորված հայեր» կուսակցության նախընտրական շտաբի պետն է լինելու Հովհաննես Հովհաննիսյանը, ՀԴԿ-ի նախընտրական շտաբի ղեկավարը Լյուդմիլա Ազիզյանն է, Կոմկուսի շտաբի պետըՙ Ռուբեն Թովմասյանը:
Մ. Խ.