Նյու Յորքում եւ Լոս Անջելեսում արդեն ցուցադրվում է ռեժիսոր Բրեյդըն Կինգի «Այստեղ» ֆիլմը: Քրիստոֆեր Ադամյանը «Արմինյն միրոր սփեքթեյթր» շաբաթաթերթի ապրիլի 28-ի համարում ներկայացնելով ֆիլմը, գրում է, որ այն մետաֆիզիկական եւ փիլսիոփայական վերացումներով հագեցած գողտրիկ սիրո մի հրաշալի պատմություն է, որ միաժամանակ անդրադառնում է տեխնոլոգիաների ազդեցությանը ժամանակակից հասարակության վրա:
Ամբողջովին Հայաստանում նկարահանված Բրեյդընի ֆիլմը նաեւ յուրովի է բացահայտում հայկական բնաշխարհըՙ լեռներն ու հովիտները, գետերն ու լճերը: Միաժամանակ օգտագործելով պատմողական, փորձարարական եւ վիդեո արվեստի բոլոր հնարավորությունները ռեժիսորը կարողանում է թափանցել երկու սիրահարներիՙ ամերիկացի քարտեզագիր Ուիլի (դերասանՙ Բեն Ֆոստեր) եւ հայազգի ազատամիտ լուսանկարչուհուՙ Կատարինեի (դերասանուհիՙ Լուբնա Ազաբալ) ներաշխարհը: Իսկ Լոլ Քրոուլիի նկարահանումները պարզապես ապշեցնող են: Դրանք հանդիսատեսին տեղափոխում են մի ուրիշ աշխարհՙ հուզիչ, ռոմանտիկ եւ նաեւ խորհրդավոր:
Հ. Ծ.