Այսօր Երեւանում կբացվի Սեւծովյան տնտեսական համագործակցության խորհրդարանական վեհաժողովի 39-րդ լիագումար նիստը` մասնակցությամբ 10 երկիր ներկայացնող 70 պատվիրակի: Այն կտեւի մինչեւ մայիսի 24-ը: Այսօր տեղի կունենա բյուրոյի եւ մշտական հանձնաժողովի նիստ, վաղը եւ մյուս օրը` լիագումար նիստ: Օրակարգում, ըստ ԱԺ հասարակայնության հետ կապերի վարչության տեղեկատվության, ներառված են կազմակերպչական, ինչպես նաեւ անդամ երկրներում հարկային համակարգի կատարելագործման, խաղողագործության եւ գինեգործության զարգացման հեռանկարներին վերաբերող, կազմակերպված հանցագործության դեմ համաձայնագրերի իրագործման, կրթության, մշակույթի, սոցիալական ոլորտի հարցեր: Նիստը հայտարարություն կընդունի կազմակերպության քսանամյակի առթիվ: Այս կազմակերպության եւս երկու լիագումար նիստեր տարբեր ժամանակներում տեղի են ունեցել Երեւանում:
Մ. Խ.