Ադրբեջանական մամուլը, հղում անելով թուրքական աղբյուրներին, տեղեկություն է տարածել, թե Թուրքիայի նախագահը կարող է դառնալ ՆԱՏՕ-ի հաջորդ գլխավոր քարտուղարը, քանի որ այդպիսի առաջարկ է արել ՆԱՏՕ-ի վերլուծական կենտրոնը` հաջորդ 10 տարվա համար առաջարկելով այդ պաշտոնում Թուրքիայի թեկնածությունը:
ՆԱՏՕ-ի ներկայիս գլխավոր քարտուղար Անդերս Ֆոգ Ռասմուսսենի լիազորությունները ավարտվում են 2013-ին, բայց նա կպաշտոնավարի մինչեւ 2014-ի վերջը, ճիշտ այդ ժամանակ էլ կավարտվեն Թուրքիայի նախագահ Աբդուլլահ Գյուլի նախագահական լիազորությունները: Հավանական է համարվում, որ Թուրքիայի անունից այդ պաշտոնում կարող է հայտնվել հենց Աբդուլլահ Գյուլը:
Ամեն դեպքում, Գյուլի անվան առնչությամբ մամուլում եղել են նաեւ հիշատակումներ` կապված ՄԱԿ-ի գլխավոր քարտուղարի պաշտոնում հայտնվելու հեռանկարի հետ:
Ա. Հ.